عادات في المجتمع العربي.1
يمكن اكتر من حدا حكا عن الموضوع...اه الموضوع صار معروف كتير بس لفترة قصيرة وبعدين بل حدا يجيب السيرة غير بين بعضهم.
لكن ما لقيت حدا عنده الجرأة الكافية انه يكتب عنه، م هو اكيد الموضوع من كتر مهو سهل الناس مش عارفين يكتبوا عنه.
احنا شعب شاطر يثور بس افتراضيا، ومش شاطر يحكي بلسانه انه هو يشعر بالملل من هيك عادات واعراف.
انا ما بس عم بحكي عن العادات المعروفة متل الزواج المبكر وانه الفتاة ما تكمل تعليمها وانه ممنوع للمرأة بالقيادة والذهاب الى الحفلات المختلطة او حتى السينما في بعض الدول العربية المتشددة متل السعودية وغيره.
ما بقصد هدول المواضيع المتداولة في مواقع التواصل الاجتماعي او حتى عند الناشطات اللي هم ضد فكرة انه المجتمع يكون ذكوري.
انا بقصد احدى العادات الغبية اللي ما حدا بيعرف اصلها وليش....العمل.
اغلب شباب قرن الواحد وعشرين بعانوا منها، بالذات لما يتعلق الموضوع بال CV... حتى لو كان مثالي وفيه كتير خبرات ومهارات ...الا انه هالورقة هاي لا تعبر عن الشخصية الحقيقية للشخص اللي راح للمقابلة اللي هو عارف انه رح يطلع منها بدون نتيجة.
كتير شباب هالجيل بحاولوا انهم يعملوها مثالية، كافية لمدير العمل، وتثير اهتمامه في الوقت ذاته.
طب هاد البند الاول تقريبا للمشكلة، البند التاني عبارة عن انه الشباب اللي ما معهم شهادات شو يعملوا! بعدين بنجي منقول انه في عنا نسبة بطالة كتير كبيرة وما حدا عارف يلاقيلها حل.
حاولوا يعملوا حلول...بس تقريبا ما شفنا اي حل ينفعنا...
طيب لنفترض انه الشب راح يتعلمله صنعة، هون بنحكي عن البند التالت للمشكلة، انه اذا هالشب مثلا اتعلم صنعة متل النجارة او ميكانيك او حدادة...يا ترى اذا ضل عم يتشغل فيها سنين متواصلة....واجا بده يتزوج...وراح طلب ايد البنت اللي بحبها، هل اهلها رح يوافقوا...طبعا لا بتعرفوا ليش لأنه مجتمعنا العربي كتير سخيف، بده واحد معه مصاري مقطوع من شجرة وعنده سيارتين وبيت ملك وشهادة اعلى من شهادة البروفسور والدكتوراه...ويكون جسم وطول وعرض ومش اهبل وذكي وإلخ...
طب شو ذنب الشب....
ولا حتى البنت اللي ما معها شهادة شو ذنبها...
#حدا_فهم_شي
ليست هناك تعليقات:
إرسال تعليق